MSHTAKIWA AMWAMBIA HAKIMU YEYE NI SHOGA NA ANAISHI NA VIRUSI VYA UKIMWI

Amin Mohammed ambaye anajulikana kwa jina la utani la Amina alisema hayo baada ya kukanusha shtaka la wizi mbele ya hakimu mwandamizi Samuel Gacheru.

Mtuhumiwa alishtakiwa pamoja na wengine ambao hawakuwa mahakamani na mashtaka mawili ya wizi na kupatikana na mali ya wizi.

Stakabadhi ya mashtaka inadai kwamba alimnyanganya raia wa Ubelgiji, Bw Jozef Grzogozz Gradus simu ya thamani ya Sh 84,000 akiwa na wengine ambao hawakuwa mahakamani.

JAMAA mmoja Ijumaa alikiri hadharani katika mahakama ya Mombasa kwamba yeye ni shoga na anaugua maradhi ya ukimwi.

Kiongozi wa mashtaka Simon Waithaka aliambia mahakama kwamba Amina alitekeleza kosa hilo mnamo Januaru 24 katika nyumba ya NSSF iliyoko barabara ya Nkurumah katikati mwa wa Mombasa.

Bw Waithaka aliambia mahakama kwamba Amina alitumia nguvu dhidi ya Bw Gradus wakati wa kutekeleza kitendo hicho.

Katika shtaka la pili, Amin alikanusha kupatikana na mali ya wizi ambapo yadaiwa katika hali ya kutekeleza wizi alijipatia kwa njia ya hila simu aina ya IPAD.

Stakabadhi ya shtaka lilieleza kwamba amejipatia simu hiyo licha ya kuwa na ufahamu kwamba simu hiyo ilikuwa mali ya wizi.

Malipo

Hata hivyo, mshtakiwa alidaiwa kwamba Bw Gradus alikuwa “mteja wake” na baada ya kushiriki naye ngono, lakini akadinda kumlipa.

“Na mimi nilikwamilia simu yake baada ya yeye kukata kunilipa. Tulikubaliana malipo ya Sh 1500,” akaelezea mshtakiwa na kuibua kicheko mahakamani.

Alizidi kudai kwamba walikuwa na mlalamishi tangu usiku wa kuamkia Ijumaa kabla ya kukosana baada ya Mbelgiji huyo kudinda kumlipa.

Mshtakiwa huyo aliambia mahakama kwamba tangu akamatwe hakumeza dawa zake za kupunguza makali ya maradhi ya HIV/AIDS na kutaka usaidizi wa mahakama kupata dawa hizo.

Kesi itaendelea kusikilizwa mnamo Februari 6 mwaka huu wa 2014.

TUPE MAONI YAKO HAPA:

LIKE PAGE YETU ILI UPATE HABARI ZAIDI